საქართველოს პრეზიდენტი სალომე ზურაბიშვილი გამოდის ინიციატივით, დიასპორას საკუთარი წარმომადგენელი ჰყავდეს პარლამენტში. ამის შესახებ სალომე ზურაბიშვილმა სასტუმრო "ბილტმორში" განაცხადა, სადაც დიასპორის საკითხებზე ევროპის საბჭოს მიერ ორგანიზებული კონფერენცია მიმდინარეობს.
პრეზიდენტმა შესთავაზა პოლიტიკურ პარტიებს, საარჩევნო სიებში ყოველი მე-15 დიასპორის წარმომადგენელი ჩასვან.
"აუცილებელია, რომ დიასპორის წარმომადგენლებს, ვისაც საქართველოს მოქალაქეობა აქვს, ყველა პოლიტიკური უფლება მივცეთ. ეს ნიშნავს არჩევნებში მონაწილეობის უფლებას. სამწუხაროდ, დღევანდელი ჩვენი გაშლა საკონსულოების არ აძლევს ბევრ ჩვენ თანამემამულეს ფიზიკურ საშუალებას, რომ არჩევნებში მიიღონ მონაწილეობა.
ჩვენი სიები არასრულყოფილია და ბევრი პრობლემაა, ამაზე მუშაობენ და კიდევ უფრო უნდა ვიმუშაოთ. უნდა იყოს იმის საშუალება, რომ პარლამენტში დიასპორა წარმოდგენილი იყოს. სხვანაირად დიასპორული ინტერესები არასდროს არ იქნება ისე წარმოდგენილი და გათვითცნობიერებული თუ არა იმ ადამიანებისგან, რომლებიც არიან დიასპორის ნაწილი", - განაცხადა სალომე ზურაბიშვილმა.