ავსტრალიაში საქართველოს საელჩო ახალ ზელანდიაში მცხოვრებ საქართველოს მოქალაქეებს მიმართავს. საელჩოს ინფორმაციით, დღეს, კუნძულ ვაკაარიზე (თეთრი კუნძული) მომხდარი ვულკანური ამოფრქვევის შედეგად, კრიზისების მართვის ეროვნული სამსახურის მიერ გამოცხადებულია შესაბამისი გაფრთხილებები.
"📍ვულკანური ამოფრქვევის შედეგად წარმოქმნილი მასიური ფერფლი, შესაძლებელია, იგრძნობოდეს ახალი ზელანდიის ჩრდილოეთ კუნძულის ზოგიერთ ნაწილში. ასეთ ვითარებაში, ახალი ზელანდიის ჯანდაცვის უწყებები მოსახლეობას შენობებში დარჩენას ურჩევენ.
📍გაფრთხილებებთან დაკავშირებით განახლებული ინფორმაციის ხილვა შესაძლებელია 👇:
https://westcoastemergency.govt.nz/
https://www.journeys.nzta.govt.nz/traffic
📍საქართველოს საელჩოში მოქმედებს შესაბამისი ცხელი ხაზი: +61 416 861 219
გთხოვთ, თვალყური ადევნოთ ადგილობრივ საინფორმაციო გამოშვებებს და კომპეტენტური უწყებების რჩევებს", განმარტებულია საელჩოს მიმართვაში.