საფრანგეთის ხელისუფლების წარმომადგენლები აცხადებენ, რომ ქვეყნის აღმოსავლეთ ნაწილში, ელზასის რეგიონში, გერმანიის საზღვართან შორიახლოს მდებარე ებრაული სასაფლაო წაბილწეს. იტყობინება Deutsche Welle-ი.
უცნობმა პირებმა საფლავის ქვები სვასტიკებითა და ანტისემიტური სლოგანებით შეღებეს.
ვანდალური აქტი ვესტოფენში, სტრასბურგის დასავლეთით მდებარე ქალაქში მოხდა.
საფრანგეთის პრეზიდენტი ინცინდენტს მიკრობლოგ „ტვიტერზე“ გამოეხმაურა და განაცხადა, რომ ანტისემიტიზმი დანაშაულია.
"ებრალები არიან და ქმნიან საფრანგეთს. ანტისემიტიზმი დანაშაულია და ჩვენ ვიბრძოლებთ მის წინააღმდეგ ყველგან, არამხოლოდ ვესტოფენში", - დაწერა მაკრონმა.
აღსანიშნავია, რომ ეს არ არის პირველი შემთხვევა ელზასის რეგიონში ებრაელთა საფლავების წაბილწვისა.
თებერვალში, სტრასბუგის ჩრდილოეთით, კაცენჰაიმის ებრაულ სასაფლაოზე საფლავის ქვები უცნობმა პირებმა სვასტიკებით შეღებეს.