Apple-მა შესაძლოა ბიზნესმოდელი შეცვალოს და 2021 წლიდან iPhone წელიწადში ორჯერ გამოუშვას, მიიჩნევენ J.P. Morgan-ის ანალიტიკოსები.
მათი აზრით, სტრატეგიის ცვლილება Apple-ს საშუალებას მისცემს თავისი ტრადიციული სეზონურობა შეწყვიტოს და კომპანიას უფრო მეტი მოქნილობა მიანიჭოს და საკუთარი პროდუქცია ყოველ ექვს თვეში განაახლოს.
იმავდროულად "ჩაკბეჩილი ვაშლი" შეძლებს თანაბარ კონკურენტულ პირობებში იყოს სხვა მწარმოებლებთან, რომელთაც ბაზარზე ახალი ტელეფონები წელიწადში რამდენჯერმე გამოაქვთ.
თუ კი Apple ახალ iPhone-ს წლის განმავლობაში რამდენჯერმე წარმოადგენს, მაშინ ეს იქნება სტრატეგიის სერიოზული ცვლილება, რაც Apple-ს მომხმარებლებს ძალიან გაახარებს.
ანალიტიკოსებმა iPhone-ს ხაზის 2020 წლის სიახლეებზეც გაამახვილეს ყურადღება და მათი აზრით, Apple 2020 წლის სექტემბერში 4 ახალ მოდელს წარმოადგენს, რაც 3 მოდელიანი სტრატეგიისგან მნიშვნელვნად განსხვავებული იქნება, რომლითაც კომპანია 2017 წლიდან სარგებლობს.
ანალიტიკოსები ფიქრობენ, რომ Apple აუცილებლად გამოუშვებს არაძვირადღირებულ iPhone-ს, რომელიც iPhone 8-ის მსგავსი იქნება.
ის ოთხი მოდელი, რომელიც მზის სინათლეს 2020 წლიდან იხილავს OLED-ეკრანიანი იქნება და აუცილებლად ექნება 5G მხარდაჭერა.
