2 დეკემბერს ცერემონია გაიმართა Schuchmann Wines Château-ში, კომპანიაში, რომელიც ჩართულია დუალური პროფესიული პროგრამის განხორციელებაში 2016 წლიდან.
დუალური პროფესიული განათლების მიდგომა გულისხმობს კერძო სექტორის (სხვადასხვა კომპანიის) მაქსიმალურ ჩართულობასა და პასუხისმგელობას პროგრამის შემუშავებისა და განხორციელების პროცესში, რაც უზრუნველყოფს ისეთი პროფესიონალების მომზადებას, რომელთა უნარები სრულად შეესაბამება კერძო კომპანიების საჭიროებებს.
დუალური პროფესიული განათლების ძირითადი პრინციპი არის ის, რომ თეორიული და პრაქტიკული სწავლება ხდება ორ ადგილზე - კოლეჯსა და სასწავლო საწარმოში. ამრიგად, კერძო სექტორისთვის შესაბამისი კადრების მომზადების წინაპირობა სწორედ მათი სრული ჩართულობაა განათლების პროცესის ყველა ეტაპზე.
დუალური პროფესიული პროგრამა ‘’მევენახე-მეღვინე’’ 2016 წლის შემოდგომიდან ხორციელდება ორ სახელმწიფო კოლეჯში: ილია წინამძღვრიშვილის კოლეჯსა და კოლეჯში "აისი".
პროგრამის განხორიელებაში ჩართულია 25-მდე ღვინის საწარმო, პროცესების კოორდინირებაში მნიშვნელოვანი წვლილი შეაქვს ასოციაცია ‘’ქართულ ღვინოს’’.
ამჟამად დუალური პროგრამების კურსდამთავრებულების დიდი ნაწილი დასაქმებულია მათ სასწავლო კომპანიებში.