"ქართული ოცნების" წევრი აკაკი ზოიძე დეპუტატის მანდატს და პოლიტიკას ტოვებს. ამის შესახებ მან ჟურნალისტებს განუცხადა.
მისი თქმით, თავის ადგილს პოლარიზებულ პოლიტიკურ სივრცეში ვეღარ ხედავს.
პარლამენტში, კენჭისყრაზე პროპორციული საარჩევნო სისტემის ჩაგდების შემდეგ, აკაკი ზოიძემ განაცხადა, რომ თავისი პოლიტიკურ გეგმების შესახებ გადაწყვეტილებას მოგვიანებით მიიღებდა.
ცოტა ხნით ადრე, აკაკი ზოიძემ "ქართულ ოცნებას" მიმართა ინიციატივით, პროპორციულ სისტემაზე გადასვლასთან დაკავშირებით, რეფერენდუმის ან პლებისციტის ჩატარების თაობაზე.
როგორც ზოიძემ თქვა, თუ მისი წინადადება არ იქნებოდა გაზიარებული, ის დატოვებდა საპარლამენტო მანდატსა და პოლიტიკას.
"ქართულმა ოცნებამ" აკაკი ზოიძის ინიციატივა არ გაიზიარა.