რუსეთი და ბელარუსი აგრძელებენ ინტეგრაციის პროექტის განხორციელებას, რაც ერთიანი პარლამენტისა და მთავრობის შექმნას ითვალისწინებს. იუწყება ბელარუსული მედია რუსეთის ფედერაციაში ბელარუსის ელჩის ვლადიმერ სემაშკოზე დაყრდნობით.
"პრეზიდენტები ჯერ კიდევ 1999 წელს შეთანხმდნენ ამბიციურ გეგმაზე და ის არ უნდა შეიცვალოს. ეს გულისხმობს გადასვლას ერთიან საგადასახადო სისტემაზე, ნავთობის, გაზისა და ელექტროენერგიის საერთო ბაზრის შექმნასა და ერთიანი მთავრობისა და პარლამენტის ჩამოყალიბებას", - თქვა სემეშკომ.
მანამდე, ამის საპირისპიროდ, ბელარუსის პრეზიდენტმა ალექსანდრე ლუკაშენკომ განაცხადა, რომ იგი არ მოაწერს ხელს ცალკეულ დოკუმენტს რუსეთის ფედერაციასთან, თუ ეს ეწინააღმდეგება ბელორუსის სუვერენიტეტს და დამოუკიდებლობას.
