კომპანია Apple-მა, რუსული მხარის მოთხოვნები გაითვალისწინა და Tთავის მოწყობილობებში ანექსირებული ყირიმის ნახევარკუნძული რუსულ ტერიტორიად მონიშნა.
რუსეთმა უკრაინის კუთვნილი ყირიმის ნახევარკუნძულის მიტაცება და ანექსირება 2014 წლის მარტში მოახდინა, რასაც გმობს საერთაშორისო საზოგადოება.
ყირიმის რეგიონი, სადაც რუსულენოვანი მოსახლეობა ჭარბობს, Apple-ის რუკასა და ამინდის აპლიკაციაში, რუსეთიდან შესული მომხმარებლებისთვის რუსეთის ნაწილად არის აღნიშნული.
მაგრამ მსოფლიოს დანარჩენი ქვეყნიდან ყირიმის რეგიონი არცერთი ქვეყნის ნაწილად არ არის აღნიშნული.
რუსეთის სახელმწიფო დუმის ქვედა პალატა მიესალმა კომპანიის ამ გადაწყვეტილებას და განცხადება გაავრცელა, სადაც აღნიშნა, რომ ახლა Apple-ის მოწყობილობებზე "ყირიმი და სევასტოპოლი ჩნდებიან, როგორც რუსეთის ტერიტორია".
რუსული მხარე სასურველი მიზნის მისაღწევად Apple-თან მოლაპარაკებებს ხანგრძლივი დროის განმავლობაში აწარმოებდა.
Apple-ს ამ დრომდე კომენტარი არ გაუკეთებია.
საერთაშორისო საზოგადოება, მათ შორის აშშ-ი და ევროკავშირი არ აღიარებენ რუსეთის სუვერენიტეტს ყირიმის ნახევარკუნძულზე.
