თუ მოვახერხე და დროზე წავედი პოლიტიკიდან, დარჩენილი წლები მინდა ამას მოვახმარო. ქართველებს და საქართველოს მოსახლეობას მოვუწოდო, რომ ჩვილი ბავშვი უნდა აღზარდოს დედამ, - ამის შესახებ "ქართული ოცნების" თავმჯდომარემ ბიძინა ივანიშვილმა ტელეკომპანია "იმედის" ეთერში განაცხადა.
მისი თქმით, დედის ინსტიტუტის დანგრევამ, ძალიან ბევრი ადამიანური ფასეულობები დაანგრია, დაარღვია.
"მე მგონი უფრო ღრმაა პრობლემა და აქ არ დავიწყებ სატელევიზო ეთერში. ადრე ვისაუბრე გადაცემაში და მთელი გუნდი მაწვებოდა, მაგი არ თქვაო - ფსიქოლოგიაზე და დედის ინსტიტუტზე მქონდა საუბარი. მე ვფქრობ არა მარტო საქართველო, არამედ მთელი მსოფლიო ყველაზე დიდი პრობლემას განიცდის. ამდენი დამაწყნარებელი, რაც ერთ წელიწადში იყიდება, შეიძლება ასწლეულებში არ გაიყიდულა უფრო ადრე. პრობლემა თითქოს ძალიან მარტივია, მაგრამ არავინ დამნახავი არაა.
დედის ინსტიტუტის დანგრევამ, ძალიან ბევრი ადამიანური ფასეულობები დაანგრია, დაარღვია, მაგრამ ამ გადაცემას ალბათ ეს არ მიესადაგება. თუმცა, თუ მოვახერხე და დროზე წავედი პოლიტიკიდან, დარჩენილი წლები მინდა ამას მოვახმარო. ქართველებს და საქართველოს მოსახლეობას მოვუწოდო რომ ჩვილი ბავშვი უნდა არზარდოს დედამ", - თქვა ივანიშვილმა.
