პარტია "გამარჯვებული საქართველოს" ერთ-ერთმა ლიდერმა გუბაზ სანიკიძემ კიევში მიხეილ სააკაშვილთან გამართულ შეხვედრაზე ისაუბრა.
სანიკიძის თქმით, ის მიესალმება სააკაშვილის საქართველოში დაბრუნებას და ამას ხელს შეუწყობს.
"თუ გადაწყვეტილებას მიიღებს ქართველი ხალხი, რომ სააკაშვილი საქართველში დაბრუნდეს, ამას მივესალები. მეტიც, ხელსაც შევუწყობ მის დაბრუნებას. ამოცანა ყველასათვის არის ის, რომ დროზე მოვაშოროთ ხელისუფლებას ბიძინა ივანიშვილი, რომელიც საქართველოს სახელმწიფოს კატასტროფის ავტორია.
სააკაშვილი არის ფაქტორი ქართულ პოლიტიკაში და დიდხანს იქნება ეს ასე", - თქვა სანიკიძემ.
ჟურნალისტის შეკითხვაზე, თუ რა კომენტარს გააკეთებდა იმაზე, რომ მიხეილ სააკაშვილი აგენტს ეძახდა, სანიკიძემ უპასუხა - "აგენტს როდის მეძახდა? – თავგასიებულს მეძახდა".
შეგახსენებთ, 23 ნოემბერს საქართველოს მესამე პრეზიდენტი, მიხეილ სააკაშვილი კიევში გუბაზ სანიკიძესა და ვალერი გელბახიანს შეხვდა.
