მადლიერების დღესთან დაკავშირებით, შეერთებული შტატების პრეზიდენტმა, თეთრი სახლის ეზოში გამართულ ცერემონიაზე, ორი ინდაური შეიწყალა.
ცერემონია თეთრი სახლის ვარდების ბაღში გაიმართა. ინდაურები სახელად "კარაქი" და "პური" აშშ-ის დედაქალაქში ჩრდილოეთ კაროლინიდან ჩაიყვანეს.
მადლიერების დღე შეერთებულ შტატებში ერთ-ერთ ყველაზე პოპულარულ დღესასწაულად ითვლება და ტრადიციულად ნოემბრის მეოთხე ხუთშაბათს აღინიშნება.
ამერიკელები ჩვეულებრივ "მადლიერების დღეს" ინდაურის ხორცისაგან დამზადებულ კერძს მიირთმევენ.
ინდაურების შეწყალების ტრადიციას დასაბამი 20 წლის წინ პრეზიდენტმა ჯორჯ ბუშმა ჩაუყარა. რაც შეეხება თვით "მადლიერების დღეს" იგი 1863 წელს პრეზიდენტ აბრაამ ლინკოლნის განკარგულებით დადგინდა.