ამერიკელი მომღერალი, მუსიკოსი, მოცეკვავე, ქორეოგრაფი და მსახიობი ტინა ტერნერი, რომლის კარიერა 50 წელიწადზე მეტ ხანს მოიცავს, დღეს 80 წლის გახდა.
თავისი მოღვაწეობის განმავლობაში ტინა ტერნერი არაერთხელ იქნა წოდებული "როკ-ენ-როლის დედოფლად".
მუსიკალურ კარიერასთან ერთად ტერნერმა მონაწილეობა მიიღო სხვადასხვა ფილმშიც. აღსანიშნავია მისი მონაწილეობა როკ-ოპერაში "ტომი" და მიუზიკლში "სერჟანტ პეპერის მარტოსული გულების კლუბის ბენდი". მაგრამ მის ყველაზე წარმატებულ კინოროლად ითვლება პერსონაჟი ფილმიდან შეშლილი მაქსი. ამ ფილმისათვის მის მიერ დაწერილი სიმღერა "We Don't Need Another Hero" ასევე დიდი წარმატებით სარგებლობდა.
როგორც მსოფლიოს შოუ-ბიზნესის ერთ-ერთი ცნობილი ადამიანი, ტინა ტერნერი ჟურნალ "როლინგ სტოუნის" მიერ დასახელებულია ყველა დროის ყველაზე წარმატებულ როკ-მომღერალ ქალად და ყველა დროის ერთ-ერთ უდიდეს მომღერლად.
მისი დისკების გაყიდული ასლების რაოდენობა 200 მილიონს შეადგენს. სტატისტიკით, მან გაყიდა ბევრად მეტი საკონცერტო ბილეთი, ვიდრე სხვა სოლო-შემსრულებელმა მუსიკის ისტორიაში.
ტერნერი კონცერტები გამორჩეულია სცენაზე ენერგიული მოძრაობებით, მძლავრი ვოკალური ჟღერადობით და ა.შ.
2008-2009 წლებში ტერნერმა მოაწყო საიუბილეო ტურნე, რომელიც აღნიშნავდა მის 50 წლიან მუსიკალურ კარიერას. თავისი დროისთვის ეს ტური იქცა ყველაზე გაყიდვად საკონცერტო მოვლენად.