ადიგენის მუნიციპალიტეტის სოფელ ვარხანში ხანძარს 54 წლის მამაკაცი ემსხვერპლა.
მამაკაცი ხანძრის გაჩენის დროს სახლში იმყოფებოდა და ეძინა.
ხანძრის გაჩენის ზუსტი მიზეზი ჯერჯერობით უცნობია.
ადგილზე მობილიზებული იყო სახანძრო სამაშველო სამსახურის რამდენიმე ეკიპაჟი.
მომხდარზე გამოძიება სსკ-ის 187-ე მუხლის მესამე ნაწილით დაიწყო, რაც ნივთის დაზიანებას ან განადგურებას გულისხმობს, რამაც გაუფრთხილებლობით გამოიწვია ადამიანის სიცოცხლის მოსპობა ან სხვა მძიმე შედეგი.