ჯეფ ბეზოსმა, მსოფლიოში უმდიდრესმა ადამიანმა, 23 სხვადასხვა შტატში მომუშავე 32 არასამთავრობო ორგანიზაციას, რომლებიც უსახლკარო ადამიანებს ეხმარებიან, ჯამში 98.5 მლნ დოლარი გამოუყო. ინფორმაციას Forbes-ი ავრცელებს.
გამოცემის ცნობით, თითოეულ ორგანიზაციას 1,25 მილიონი დოლარიდან 5 მილიონ დოლარამდე ერგო.
Amazon-ის დამფუძნებელმა და აღმასრულებელმა დირექტორმა, ქველმოქმედების უპრენცდენტო აქტი გასულ წელსაც განახორციელა, როდესაც უსახლკაროებისთვის მომუშავე 24 ორგანიზაციას 16 შტატში, 97.5 მლნ დოლარი გადასცა.
Bloomberg-ის ბოლო მონაცემებით, ჯეფ ბეზოსის ქონება 109 მლრდ დოლარად არის შეფასებული.