"ლეიბორისტული პარტიის" წევრმა ლაშა ჩხარტიშვილმა მთავრობის ადმინისტრაციის რკინის გისოსებზე ბოქლომის შებმა რამდენიმე წუთიანი დაპირისპირების შემდეგ მაინც შეძლო.
სამოქალაქო ატივისტებს და ოპოზიციონერ ლიდერებს სამართალდამცველები ბოქლომის შებმის საშუალებას დაახლოებით ნახევარი საათის განმავლობაში არ აძლევდნენ.
აქციის მონაწილეები აცხადებენ, რომ აქციები პერმანენტულად გაგრძელდება, ხოლო ძირითადი აქცია 25 ნოემბერს ჩატარდება. აქციაზე ოპოზიციური პარტიების ლიდერებიც იმყოფებიან.
