16 ნოემბერს, 17:00 საათზე თბილისში პირველი კიბერფესტივალი CACTU2 CyberFest გაიმართება. ფესტივალი კომპანიის CACTU2 ორგანიზებით იმართება. ღონისძიების ოფიციალური პარტნიორია მთაწმინდის პარკი. ფესტივალს მთაწმინდის პარკში მდებარე კლუბი Underwheel-ი უმასპინძლებს. ფესტივალზე დასწრება უფასოა.
ღონისძიების პარტნიორები არიან Monaspa, საქართველოს კომპიუტერული თამაშების და კიბერსპორტის ფედერაცია და ილიაუნის ფაბლაბი. ღონისძიებას დაესწრებიან სპორტცმენები სპორტის სხვადასხვა სახეობებიდან, მათ შორის მოჭიდავეები, ძიუდოისტები და ა.შ.
ღონისძიებაზე კომპანია CACTU2-ის წარმომადგენლები ფესტივალზე დამსწრე აუდიტორიას კომპანიის პრეზენტაციას წარუდგენენ და სამომავლო გეგმებს გააცნობენ. მათ შორის, ფესტივალის ფარგლებშივე დაანონსდება ზამთრის ჩემპიონატი და ონლაინრეგისტრაცია გამოცხადდება.
CACTU2 CyberFest აერთიანებს ყველას, ვინც კიბერსპორტით არის დაინტერესებული. ფესტივალზე წარმოდგენილი იქნება კიბერსპორტული სამყარო, რომელიც დაინტერესებულ ადამიანებს ელექტრონულ სპორტს სრულყოფილად აზიარებს.
ფესტივალის ტერიტორია დაიყოფა გასართობ სივრცეებად და მათ შორის რინგებად, სადაც პროფესიონალი და მოყვარული გეიმერები ერთმანეთს დაუპირისპირდებიან. ფესტივალის ფარგლებში დაგეგმილი შეჯიბრებები შემდეგ ელექტრონულ თამაშებში გაიმართება: Fighting რინგი (Moral kombat 11 , tekken 7 და Injustice 2) და Shooter ზონა (Counter Strike Global Offensive (CSGO)).
გარდა ამისა, ფესტივალზე წარმოდგენილი იქნება გასართობი სივრცეები: ARCADE ZONE, DRONE RACING, VR ZONE, STREAMING ZONE, YOUTOBE ZONE და ქართველი გეიმ დეველოპერების ზონა, სადაც ქართული თამაშების ავტორები საკუთარ ვიდეო თამაშებს წარმოადგენენ და ფესტივალზე დამსწრე აუდიტორიას გააცნობენ. ფესტივალს მუსიკალურად MIK3ROBOX გააფორმებს, ხოლო ძირითადი ეტაპის დასრულების შემდეგ კი მას Andress Noel შეუერთდება. მუსიკოსები ფესტივალზე მოსულ სტუმრებს ელექტრონული მუსიკით გაართობენ და მათ კარგ განწყობაზე იზრუნებენ.
ფესტივალის დღეს მთაწმინდის პარკის მიმართულებით თბილისის სატრანსპორტო კომპანია სპეციალური გრაფიკით იმოძრავებს. კერძოდ, N124 რუსთველის მეტრო - მთაწმინდის პარკი, N90 ბარათაშვილის ხიდი - მთაწმინდის პარკი და დამატებით ახალი ხაზი - ავლაბრის მეტროდან მთაწმინდის პარკის მიმართულებით.
კომპანია CACTU2-ის მოთხოვნის საფუძველზე, გაიზარდა საზოგადოებრივი ტრანსპორტის რაოდენობა და მთაწმინდის პარკის მიმართულებით ყოველ 1 საათში ჯამში 15 ავტობუსი იმოძრავებს, რაც მოლოდინის დროს 10 წუთამდე შეამცირებს.
თბილისის მერიის მიმართ კომპანიის ამავე მოთხოვნის თანახმად, ავტობუსები გაზრდილი რაოდენობით მთაწმინდის პარკის მიმართულებით 00.00 საათამდე იმოძრავებს.
_______________
კომპანია CACTU2-ის შესახებ
კომპანია CACTU2 საქართველოში კიბერსპორტის, როგორც ინდუსტრიის მშენებლობას და პოპულარიზაციას გეგმავს.
CACTU2-ის მიზანია სფეროში ჩართული მოყვარულ და პროფესიონალ მოთამაშეებისათვის ახალი შესაძლებლობების შექმნა და ქართველი მოთამაშეების ცნობადობის გაზრდა საერთაშორისო ბაზარზე. ასევე, კომპანიის განვითარების გეგმაში შედის საქართველოში გეიმ დეველოპმენტის განვითარება.
კომპანიას განვითარების გეგმით გათვალისწინებული აქვს მსოფლიოსთვის საქართველოს და ქართველი გეიმერების შეთავაზება, როგორც მზარდი კიბერსპორტული ბაზარი.
CACTU2-ის განვითარების გეგმა მოიცავს:
• ყოველწლიური საერთაშორისო ფესტივალის CACTU2 CyberFest დანერგვა.
• ადგილობრივი/საერთაშორისო ტურნირების/ჩემპიონანტების ორგანიზება/ჩატარებას საქართველოში.
• ქართველი მოთამაშეების წარდგენა საერთაშორისო ტურნირებში/ჩემპიონანტებზე.
• ქართული ვიდეო თამაშების წარმოება.
• ქართველი გეიმ დეველოპერების ხელშეწყობა და მათ მიერ წარმოებული პროდუქციის ფართო აუდიტორიისთვის შეთავაზება.