საპარლამენტო უმრავლესობას კიდევ ერთი დეპუტატი, მაჟორიტარი გიორგი ბეგაძე ტოვებს. აღნიშნულთან დაკავიშრებით ის განცხადებას სოციალურ ქსელში ავრცელებს.
"დარწმუნებული ვიყავი, რომ შევძლებდით საზოგადოებისთვის და საერთაშორისო თანამეგობრობისთვის მიცემული პირობის შესრულებას!
სამწუხაროდ, ჯანმრთელობის მდგომარეობის გამო, ვერ ვესწრებოდი ბოლო დღეების სხდომებს და ვერც ვხედავდი რაიმე განსაკუთრებულ რისკს, რომ საკითხს არ ექნებოდა საკმარისი მხარდაჭერა.
მოცემული რეალობიდან გამომდინარე, მიწევს ჩემთვის რთული გადაწყვეტილების მიღება.
დღეიდან ვტოვებ საპარლამენტო უმრავლესობას და შესაბამისად, უმრავლესობის პარტიას", - წერს გიორგი ბეგაძე.
შეგახსენებთ, დღეს, 14 ნოემბერს საქართველოს პარლამენტმა ჩააგდო კონსტიტუციური კანონის პროექტი პროპორციულ საარჩევნო სისტემაზე გადასვლის შესახებ.
მანადე საპარლამენტო უმრავლესობის რიგები რვა დეპუტატმა დატოვა.