ევროპის საბჭოს საპარლამენტო ასამბლეის თანამომხსენებლები ღრმა სინანულს გამოთქვამენ იმის გამო, რომ საქართველოს პარლამენტმა ვერ მიიღო საკონსტიტუციო ცვლილებები, რომელიც საჭიროა 2020 წლის საპარლამენტო არჩევნებისთვის სრულად პროპორციული საარჩევნო სისტემის დანერგვისთვის.
"ვწუხვართ, რომ კანონპროექტმა საჭირო მხარდაჭერა ვერ მოიპოვა. პროპორციული საარჩევნო სისტემის დანერგვას ათწლეულის მანძილზე ყველა დაინტერესებული პირი ითხოვდა და მისი შემოღება დაგვიანებული იყო.
თუ გავითვალისწინებთ იმას, რომ აღნიშნული სისტემის დანერგვის ირგვლივ არსებობდა სრული კონსენსუსი, კანონპროექტის ჩავარდნა გაუგებარია. ეს უკან გადადგმული ნაბიჯია", - ნათქვამია თანათავმჯდომარეების განცხადებაში.
შეგახსენებთ, დღეს, 14 ნოემბერს საქართველოს პარლამენტმა ჩააგდო კონსტიტუციური კანონის პროექტი პროპორციულ საარჩევნო სისტემაზე გადასვლის შესახებ.