აზერბაიჯანის საგარეო საქმეთა სამინისტრომ რუსეთის ელჩს მიხეილ ბოჩარნიკოვს გადასცა საპროტესტო ნოტა, არაღიარებული მთიანი ყარაბაღის რესპუბლიკაში რუსეთის წარმომადგენელთა ვიზიტის გამო. იტყობინება რუსული სააგენტო "ტასი".
აზერბაიჯანის საგარეო უწყების პრესსამსახურის ცნობით, მთიანი ყარაბაღის წარმომადგენლებმა შეხვედრები გამართეს რუს ექსპერტებსა და აკადემიური ცენტრის თანამშრომლებთან.
"ასეთი ვიზიტები რასაკვირველია პროვოკაციული ხასიათისაა და მიმართულია აზერბაიჯანის რესპუბლიკის სუვერენიტეტისა და ტერიტორიული მთლიანობის წინააღმდეგ", - აღნიშნულია განცხადებაში, რომელსაც საგარეო უწყება ავრცელებს.
მათივე განცხადებით, რუსეთის ელჩმა აზერბაიჯანის საგარეო საქმეთა სამინისტროში განაცხადა, რომ რუსეთის პოზიცია მთიან ყარაბაღთან მიმართებაში კარგად ცნობილი და უცვლელია.