სახელგანთქმული ქართველი საოპერო მომღერალი ანიტა რაჭველიშვილი სოციალურ ქსელ "ფეისბუკზე" წერს, რომ მისი ოჯახის წევრს ქუჩაში თავს დაესხნენ, როდესაც იგი მანქანით გადაადგილდებოდა.
ანიტა რაჭველიშვილის განცხადებით, უცხო მოქალაქე მანქანაში შეჭრას ლამობდა და მანქანაში მყოფს უყვიროდა. მისივე თქმით, აღნიშნული ფაქტის შემსწრე სამართალდამცველებს რეაგირება არ მოუხდენიათ.
"ჩემი ოჯახის წევრს ქუჩაში თავს დაესხნენ. მანქანით იყო შუქნიშანზე და ვიღაცა კაცი შეუხტა მანქანაში. მოახერხა და გააგდო მანქანიდან და ეგრევე დაძრა მანქანა. აღელვებისგან ვერ მშვიდდებოდა და იქვე გააჩერა რომ დამშვიდებულიყო.
ის მამაკაცი ისევ მივარდა და ჩახტომას ცდილობდა მანქანაში. ამჯერად მძღოლის მხრიდან. ჩემმა მულმა მოასწრო და კარები ჩაკეტა. ამ ადამიანმა შუშაზე ბრახუნი და ღრიალი განაგრძო. უყვიროდა “გამიღეო”. ბოლოს მოიკრიბა ძალები,დაქოქა მაქანა და გაიქცა. შესინებული და აბსოლუტურ შოკში.
გასათვალისწინებელია რამოდენიმე ფაქტი. მანქანა იყო ჩემი, პოლიციამ გაიარა ზუსტად იმ მომენტში ეს კაცი შუშაზე რომ უბრახუნებდა და ღრიალებდა,დაინახეს,დააიგნორეს ფაქტი და წავიდნენ. ამის გარდა იქ იყო უამრავი ადამიანი გარშემო რომელთაგანაც არც ერთს არ მოუვიდა თავში აზრად ახალგაზრდა გოგოს დახმარებოდა!", - წერს ანიტა რაჭველიშვილი.
მოგვიანებით, ანიტა რაჭველიშვილის ოჯახის წევრმა სოციალურ ქსელში პოსტი დაწერა, სადაც განაცხადა, რომ სამართალდამცავები დაუკავშრდნენ.