აჭარის ფინანსთა და ეკონომიკის სამინისტროს ინფორმაციით, 2019 წლის რესპუბლიკური ბიუჯეტის 9 თვის შემოსავლების გეგმა 199 111,1 ათასი ლარით იყო განსაზღვრული, ხოლო ფაქტიურმა შესრულებამ შეადგინა 209 677,1 ათასი ლარი, ანუ გეგმა 105,3%-ითაა ესრულებული.  

აჭარის ავტონომიური რესპუბლიკის 2019 წლის რესპუბლიკური ბიუჯეტის 9 თვის შემოსავლები წილობრივად

გადასახადები

აჭარის ავტონომიური რესპუბლიკის 2019 წლის რესპუბლიკური ბიუჯეტის 9 თვის შემოსავლების უდიდესი ნაწილი, საერთო შემოსავლების 95 პროცენტი მოდის გადასახადებზე, რომელიც მოიცავს მხოლოდ საშემოსავლო გადასახადს. საანგარიშო პერიოდის საშემოსავლო გადასახადის გეგმა განისაზღვრა 192 300,0 ათასი ლარით, ხოლო ფაქტიურმა შესრულებამ შეადგინა 199 027,3 ათასი ლარი ანუ გეგმის 103,5 პროცენტი.

სხვა შემოსავლები

რესპუბლიკური ბიუჯეტის 2019 წლის 9 თვის სხვა შემოსავლების გეგმა განისაზღვრა 6 811,1 ათასი ლარით, შესრულებამ შეადგინა 10 649,8 ათასი ლარი ანუ გეგმის 156,4 პროცენტი.

სხვა შემოსავლების 9 თვის შესრულება მოდის მის შემდეგ სახეებზე:

პროცენტებიდან შემოსავლების (სახაზინო ანგარიშზე არსებულ ნაშთზე დარიცხული სარგებელი) საანგარიშგებო პერიოდის გეგმა განისაზღვრა 4 425,0 ათასი ლარით, ფაქტიურმა შესრულებამ შეადგინა 5 075,4 ათასი ლარი, ანუ გეგმის 114,7 პროცენტი; შემოსავალი დივიდენდებიდან 9 თვის გეგმა განისაზღვრა 1 258,6 ათასი ლარით, ხოლო ფაქტიურმა შესრულებამ შეადგინა 1 273,3 ათასი ლარი, გეგმის 101,2 პროცენტი; რენტიდან შემოსავლის 9 თვის გეგმა განისაზღვრა 686,5 ათასი ლარით, ფაქტიურმა შესრულებამ შეადგინა 1 895,7 ათასი ლარი ანუ გეგმის 276,1 პროცენტი (რენტიდან შემოსავლები მოიცავს მიწის იჯარიდან და მართვაში გადაცემიდან და სარგებლობის ლიცენზიის გაცემის საფასურით მიღებულ შემოსავლებს); საქონლისა და მომსახურების რეალიზაციის 9 თვის გეგმა განისაზღვრა 321,0 ათასი ლარით, შესრულებამ შეადგინა 440,4 ათასი ლარი ანუ გეგმის 137,2 პროცენტი; ჯარიმების, სანქციებისა და საურავების საანგარიშო პერიოდის გეგმა განისაზღვრა 70,0 ათასი ლარით, ხოლო ფაქტიურმა შესრულებამ შეადგინა 131,3 ათასი ლარი, ანუ გეგმის 187,6 პროცენტი; შერეული და სხვა არაკლასიფიცირებული შემოსავლების 9 თვის გეგმა განისაზღვრა 50,0 ათასი ლარით, ფაქტიურმა შესრულებამ შეადგინა 1 833,7 ათასი ლარი, ანუ გეგმის 3 667,4 პროცენტი.

არაფინანსური აქტივების კლება

ავტონომიური რესპუბლიკის რესპუბლიკური ბიუჯეტის 2019 წლის 9 თვის არაფინანსური აქტივების კლების (გაყიდვა) გეგმა განისაზღვრა 12 319,0 ათასი ლარით, ხოლო ფაქტიურმა შესრულებამ შეადგინა 9 381,3 ათასი ლარი, ანუ გეგმის 76,2 პროცენტი. მათ შორის: ძირითადი კაპიტალის გაყიდვიდან მიღებულმა შემოსავალმა შეადგინა 2 264,8 ათასი ლარი, არაწარმოებული აქტივების (მიწის) გაყიდვიდან მიღებულმა შემოსავალმა    6 854,3 ათასი ლარი, ხოლო მატერიალური მარაგების გაყიდვიდან მიღებული შემოსავლის ფაქტიურმა შესრულებამ შეადგინა 262,2 ათასი ლარი.

აჭარის ავტონომიური რესპუბლიკის რესპუბლიკური ბიუჯეტის გადასახდელები

2019 წლის ცხრა თვის აჭარის ავტონომიური რესპუბლიკის რესპუბლიკური ბიუჯეტის  გადასახდელების დაზუსტებული გეგმა 230 629,5 ათას ლარს შეადგენს, ხოლო ფაქტიური დაფინანსება კი 210 217,9 ათას ლარს, რაც გეგმის 91,1 პროცენტს შეადგენს.

აჭარის ავტონომიური რესპუბლიკის 2019 წლის სამი კვარტლის  რესპუბლიკური ბიუჯეტის ხარჯებისა და არაფინანსური აქტივების ფუნქციონალური კლასიფიკაცია:

აჭარის ავტონომიური რესპუბლიკის 2019 წლის სამი კვარტლის რესპუბლიკური ბიუჯეტის გადასახდელების ორგანიზაციული კლასიფიკაცია: