ხვალ, 30 ოქტომბერს, 09:30 საათზე, სასტუმრო შერატონ გრანდ თბილისი მეტეხი პალასში, ტურიზმის ეროვნული ადმინისტრაცია საქმიანი ტურიზმის ხელშეწყობის მიზნით მასშტაბურ ღონისძიებას უმასპინძლებს.
ღონისძიების მონაწილეებს სიტყვით მიმართავენ: ტურიზმის ეროვნული ადმინისტრაციის ხელმძღვანელი მარიამ ქვრივიშვილი და „თურქეთის ავიახაზების" გენერალური მენეჯერი საქართველოში შერაფეთთინ ექიჯი.
B2B პლათფორმის ფორმატში ღონისძიებას ჩინეთიდან, ჰონგ-კონგიდან, ტაილანდიდან, მალაიზიიდან, სამხრეთ კორეიდან, სინგაპურიდან და ინდონეზიიდან უმსხვილესი 34 ტურისტული კომპანიის წარმომადგენელი და ტურიზმის ეროვნული ადმინისტრაციის საკონვენციო და საგამოფენო ბიუროს წევრი კომპანიების წარმომადგენლები დაესწრებიან.