ჭიათურაში, დარკვეთის მაღაროში 29 წლის მამაკაცი დაიღუპა.
როგორც ადგილობრივი პროფკავშირების თავმჯდომარე პაატა სამხარაძე აცხადებს, მუშა სატვირთო ავტომობილსა და კედელს შორის მოყვა, რაც დაღუპვის მიზეზი გახდა.
"ჯორჯიან მანგანეზის" განცხადებით, "წინასწარი ინფორმაციით, ინციდენტი სანგრევი სამუშაოების დროს მოხდა".
"ამ დროისთვის "ჯორჯიან მანგანეზის" თანამშრომლის გარდაცვალების ზუსტი მიზეზი ცნობილი არ არის. ფაქტზე გამოძიებას შსს აწარმოებს. ჯორჯიან მანგანეზი მწუხარებას გამოთქვამს მომხდარის გამო და გარდაცვლილის ოჯახს და ახლობლებს უსამძიმრებს“, - აცხადებს კომპანია.
შსს-მ გამოძიება სსკ-ის 240-ე მუხლის მე-2 ნაწილით დაიწყო. ეს გულისხმობს სამთო-სამშენებლო, ან სხვა სამუშაოების წარმოებისას უსაფრთხოების ნორმების წესის დარღვევას, რამაც ადამიანის სიცოცხლის მოსპობა გამოიწვია.
