საქართველოს ეროვნული ბანკის მონაცემებით, 2019 წლის სექტემბერში ქვეყანაში შემოსული ფულადი გზავნილების ნაკადების მოცულობამ 149.8 მლნ აშშ დოლარი (444.0 მლნ ლარი) შეადგინა, რაც 13.9%-ით (18.3 მლნ აშშ დოლარით) მეტია 2018 წლის სექტემბრის ანალოგიურ მაჩვენებელზე.
სებ-ის ინფორმაციით, უცხოეთიდან საქართველოში ფულადი გზავნილების 94.0% იმ 18 უმსხვილეს პარტნიორ ქვეყანაზე მოდის, საიდანაც ასეთი გზავნილების მოცულობამ სექტემბერში 1 მლნ აშშ დოლარს გადააჭარბა. იმავე 18 ქვეყანაზე გასული წლის სექტემბერში მთელი ფულადი გზავნილების 94.3% მოდიოდა.
რაც შეეხება, საქართველოდან საზღვარგარეთ ფულადი გზავნილების მოცულობას, სებ-ის მონაცემებით, სექტემბერში საქართველოდან საზღვარგარეთ 20.5 მლნ აშშ დოლარი (60.7 მლნ ლარი) გადაიგზავნა.