საქართველოს ეროვნული ბანკის მონაცემებით, 2019 წლის სექტემბერში საქართველოდან საზღვარგარეთ 20.5 მლნ აშშ დოლარი (60.7 მლნ ლარი) გადაიგზავნა.
სებ-ის ინფორმაციით, აღნიშნული მაჩვენებელი ც 2018 წლის სექტემბრის (19.2 მლნ აშშ დოლარი) ანალოგიურ მაჩვენებელთან შედარებით 6.5%-ით მეტია.
რაც შეეხება, საქართველოში შემოსული ფულადი გზავნილების მოცულობას, საქართველოს ეროვნული ბანკის მონაცემებით, 2019 წლის სექტემბერში ქვეყანაში შემოსული ფულადი გზავნილების ნაკადების მოცულობამ 149.8 მლნ აშშ დოლარი (444.0 მლნ ლარი) შეადგინა, რაც 13.9%-ით (18.3 მლნ აშშ დოლარით) მეტია 2018 წლის სექტემბრის ანალოგიურ მაჩვენებელზე.