იაპონიაში მეტეოროლოგები ტაიფუნ „ჰაგიბისის“ მოახლოებასთან ერთად უპრეცედენტო მასშტაბის წვიმასა და ქარიშხალს ელოდებიან.
"მოსალოდნელია ნგრევისა და მეწყერის მაღალი საშიშროება, არნახული მასშტაბის წვიმის გამო მდინარეებმა შესაძლოა გაარღვიონ კალაპოტები. უზრუნველყავით თქვენი უსაფრთოხება, თუ საევაკუაციო ცენტრებში მისვლას ვერ ახერხებთ, თავშესაფარი იპოვეთ გამაგრებულ სახლებში. ტაიფუნი გვიახლოვდენა", - განაცხადა იაპონიის მთავარი მეტეოროლოგიური ადმინისტრაციის წარმომადგენელმა საგანგებოდ გამართულ პრესკონფერენციაზე, სადაც შვიდივე პრეფექტურის მოსახლეობას მიმართა.
მოელიან, რომ ტააიფუნი ერთ-ერთი ყველაზე დამანგრეველი სტიქია აღმოჩნდეს. ქვეყნის მასშტაბით დახურულია მაღაზიები და საჯარო დაწესებულებები. სტიქიამ უკვე იმსხვერპლა ერთი ადამიანი.
ფოტო: AP
