საჯარო რეესტრმა საქართველოს უკვდავი პოლკი პატრიოტულ-საზოგადოებრივ მოძრაობად დაარეგისტრირა. ინფორმაცია "უკვდავმა პოლკმა" ფეისბუკგვერდზე გაავრცელა.
საჯარო რეესტრში დაცული მონაცემების თანახმად, მოძრაობა უკვდავი პოლკის ხელმძღვანელად რევაზ გოგიძე დარეგისტრირდა.
"გამარჯვება! 2019 წლის 9 ოქტომბერს, საქართველოს იუსტიციის სამინისტრომ დაარეგისტრირა ეროვნულ-პატრიოტული მოძრაობა, საქართველოს უკვდავი პოლკი", - ნათქვამია ორგანიზაციაში განცხადებაში.
უკვდავი პოლკი დეკლარირებულად მსოფლიო ომში დაღუპული მებრძოლების ხსოვნისადმი პატივის მიგებას ისახავს მიზნად, თუმცა ის რუსეთის იდეოლოგიურ-პროპაგანდისტულ იარაღად არის მიჩნეული და სავარაუდოდ, ფინანსდება კიდეც კრემლისგან.
უკვდავი პოლკის მიერ ორგანიზებულ ღონისძიებებს რუსეთის პრეზიდენტი არაერთხელ დასწრებია.
საქართველოს უკვდავი პოლკის მოძრაობის წევრები აქტიურად ითხოვენ გორში სტალინის ძეგლის აღდგენას.