დღეს, შვედეთის დედაქალა სტოკჰოლმში დაასახელებენ 2018 და 2019 წლის ლიტერატურაში ნობელის პრემიის ლაურეატებს.
ნომინანტთა შორის არიან "მხევლის წიგნის" ავტორი მარგარეტ ეტვუდი, კანადელი მწერალი ენ კარსონი და რუსი ნოველისტი ლუდმილა ულიცკაია.
წელს, ორი ლაურეატი დასახელდება, რადგან 2018 წელს ნობელის პრემია ლიტერატურის დარგში არ გაცემულა.
შვედეთის აკადემიამ, რომელიც ზედამზედველობას უწევს ამ პრესტიჟული ჯილდოს გაცემას, შეაჩერა პროცესი სექსუალური შევიწროების სკანდალის გამო.
საქმე ეხება 2017 წელს შვედეთის აკადემიაში აგორებულ სკანდალს, რა დროსაც ცნობილი რეჟისორი ჟან კლოდ არნო სექსუალურ შევიწროებაში 18 ქალმა დაადანაშაულა. მათ შორის იყვნენ აკადემიის წევრები, აკადემიკოსები ცოლები და მათი შვილებიც.
ხმაურიანი სკანდალის გამო 72 წლის ჟან-კლოდ არნოს მეუღლემ, ცნობილმა პოეტმა და პროზაიკოსმა კატარინა ფროსტენსონმა აკადემიის წევრობაზე უარი თქვა. ანალოგიურად მოიქცა აკადემიის კიდევ რამდენიმე წევრი. ამის გამო 2018 წელს შვედეთის აკადემიამ ლიტერატურის დარგში ნობელის პრემიის ლაურეატის დასახელებაზე უარი თქვა.