საპენსიო დანაზოგების ნაწილი ვადიან დეპოზიტებზე და სადეპოზიტო სერტიფიკატებზე განთავსდება - აცხადებს საპენსიო სააგენტოს დირექტორი ლევან სურგულაძე პარლამენტის ჯანდაცივს და სოციალურ საკითხთა კომიტეტზე ანგარიშის წარდგენისას.
საპენსიო სააგენტოს დირექტორის თქმით, ამჟამად საპენსიო დანაზოგები განთავსებულია მიმდინარე საბანკო ანგარიშებზე, რაც იმას ნიშნავს რომ მას ვადიანობა არ აქვს.
"ეს არის ყველაზე დაბალი სარგებელი რაც შეიძლება რომ თქვენ ბანკში მიიღოთ და ეს არის 8 მილიონ შვიდასი ათასი ლარი დაახლოებით, რვა პროცენტამდე. როდესაც ჩვენ განვათავსებთ დეპოზიტის სერტიფიკატებში და ვადიან ანგარიშებზე იქ სარგებელი იქნება დაახლეობით 11-12 პროცენტი, ასე ველოდებით", - ამბობს სურგულაძე.
საპენსიო სააგენტოს დირექტორის განმარტებით, ყველა პორტფელში მოიაზრება, რომ თანხის გარკვეული ნაწილი აუცილებლად უნდა იყოს ფულადი ინსტრუმენტების სახით და ეს არის ზუსტად კომერციული ბანკების მიერ გამოშვებული ინსტრუმენტები.
"მიმდინარე რეფინანსირების განაკვეთის გათვალისწინებით, სარგებელი იქნება 11-11.5-12 პროცენტის ფარგლებში", - აცხადებს ლევან სურგულაძე.