დაზიანდა თავად ივანიშვილი და "ქართული ოცნება", ამ ყველაფრით. ჯობდა, ცოტა მეტი გონი რომ მოეხმოთ, როგორც კობახიძის შემთხვევაში დააგვიანდათ, ცოტა ადრე მიეღოთ ეს გადაწყვეტილება, - განაცხადა უმრავლესობის ყოფილმა წევრმა, ეკა ბესელიამ გადაცემა "რეაცქიაში" უმრავლესობის წევრის ვანო ზარდიაშილის მიერ დეპუტატის მანდატის დატოვებასთან დაკაშვირებით.
მისი თქმით, როცა პრეტენზია გაქვს რომ ამ ქვეყანაში მმართველ პარტიის თავმჯდომარეს წარმოადგენ, ან უნდა თქვა რომ ასოცირებული ხარ და იზიარებ იმ ყველაფერს, რაც ისმოდა ზარდიაშვილის მხრიდან კონფლიქტის შემდეგ ეთერებში, ან უნდა გაემიჯნო და რაღაცა მოიმოქმედო.
"ეს იყო დაგვიანებული რეაქცია, მე უფრო ადრე ვებნებოდი ივანიშვილის რომ უნდა მიეღო გადაწყვეტილება ზარდიაშვილთან დაკავშირებითაც და დანარჩენებთან დაკავშირებითაც. დააგვიანა ეს, ძალიან დაზიანდა თავად, მმართველი პარტიის სახელით ლაპარაკობდა ეს ადამიანი, ისეთი ბრალდებები, რომელიც მას აყენებდა უკვე შეურაცხყოფას. მე ან ვინმეს სხვას კი არა, თავად მას აყენებდა შეურაცხყოფას. ეს იყო კულმინაცია ის ხომ არ იყო ნორმალური ამბავი, რაც იმ დღეს დარბაზში მოხდა. ჩემი რეაქცია. ამის იქით არაფერი აღარ არის. შემდეგ უკვე მოყვა ეთერები და ყველაფერი იკადრა ადამიანმა.
არ მიკვირს რომ ეს შედეგი დადგა. ველოდებოდი ამას. კიდევ ერთხელ ვამბობ დაგვიანებული იყო, იმიტომ რომ იმდენად დაზიანდა თავად ივანიშვილი და "ქართული ოცნებაც" ამ ყველაფრით, რომ ჯობდა ცოტა მეტი გონი რომ მოეხმოთ, როგორც კობახიძის შემთხვევაში დააგვიანდათ, ცოტა ადრე მიეღოთ ეს გადაწყვეტილება", - განაცხადა ბესელიამ.
საპარლამენტო უმრავლესობის წევრმა, ვანო ზარდიაშვილმა პარლამენტის დატოვების შესახებ განცხადება 7 ოქტომბერს გაავრცელა.
მანამდე 26 სექტემბერს საქართველოს პარლამენტის იურიდიულ საკითხთა კომიტეტის სხდომაზე ეკა ბესელიასა და უმრავლესობის წევრ ვანო ზარდიაშილს შორის შელაპარაკება მოხდა, რაც ფიზიკურ დაპირისპირებაში გადაიზარდა.