ირანში, თეირანში, საკანონმდებლო ორგანოს შენობის წინ შეიკრიბა ადამიანთა მცირერიცხოვანი ჯგუფი, რომელიც ფეხბურთის მატჩებზე ქალების დასწრების უფლებას აპროტესტებენ. იტყობინება "რადიო თავისუფლების" ირანის ბიურო.
აქციის მონაწილეები, რომელთა შორის ქალებიც არიან, საერთაშორისო საფეხბურთო ფედერაციის (FIFA) წინააღმდეგ გამოვიდნენ, რადგან სწორედ FIFA-ს მოთხოვნით გახდა იძულებული ირანის ფეხბურთის ფედერაცია, რომ ქალებისთვის გამონაკლისი დაშვებულიყო, რათა მათ შეძლებოდათ დასწრებოდნენ ფეხბურთის მატჩებს.
მიუხედავად იმისა, რომ ირანში ქალების ფეხბურთის მატჩებზე დასწრების ამკრძალავი საკანონმდებლო ჩანაწერი არ არსებობს, ბოლო 40 წლის განმავლობაში, ირანის სასულიერო მმართველობის მიერ, ქალებს ეს უფლება ჩამორთმეული ჰქონდათ.
წელს, FIFA-ს ზეწოლის შემდეგ, ირანის ხელისუფლება დათანხდა 10 ოქტომბერს დანიშნული საფეხბურთო მატჩის, ირანსა და კამბოჯას შორის, ბილეთები ქალებისთვისაც მიეყიდათ. აღსანიშნავია, რომ ქალებისთვის გამოყოფილი 3500 ბილეთი რამდენი წუთში გაიყიდა.
სექტემბერში ახალგაზრდა ქალმა ირანში სიცოცხლე თვითმკვლელობით დაასრულა, როდესაც ის აკრძალვის მიუხედავად, ცდილობდა საფეხბურთო მოედანზე შეეღწია.
FIFA ირწმუნება, რომ იგი გააგზავნის დელეგაციას ირანში, რათა დარწმუნდეს, რომ მთავრობა შეასრულებს თავის დაპირებას და ნებას მისცემს ქალებს, უგულშემატკივრონ ფეხბურთელებს.
