გერმანიის პრეზიდენტი ფრანკ-ვალტერ შტაინმაიერი საქართველოშია. თბილისშია ის მეუღლესთან, ელკე ბიუდენბენდერთან ერთად ჩამოვიდა.
სტუმარს აეროპორტში საგარეო საქმეთა მინისტრი დავით ზალკალიანი და საქართველოს ელჩი გერმანიაში ელგუჯა ხოკრიშვილი დახვდნენ.
ოფიციალური შეხვედრები ხვალიდან დაიწყება. დახვედრის ცერემონია პრეზიდენტის სასახლეში გაიმართება. გერმანიის და საქართველოს პრეზიდენტები ერთმანეთს პირისპირ და გაფართოებულ ფორმატში შეხვდებიან.
შტაინმაიერი ასევე შეხვდება საქართველოს პრემიერ-მინისტრს, პარლამენტის თავმჯდომარესა და საქართველოს კათოლიკოს-პატრიარქს. სტუმარი გვირგვინით შეამკობს საქართველოს ერთიანობისათვის დაღუპულ გმირთა მემორიალს.
დაგეგმილია კახეთში ვიზიტიც.
გერმანიის პრეზიდენტის ოფიციალური ვიზიტი 8 ოქტომბერს დასრულდება.