"მთავარი არხის" საინფორმაციო სამსახურის უფროსმა, ნოდარ მელაძემ გენერალური პროკურატურის შენობა დატოვა. ნოდარ მელაძის განმარტებით, საგამოძიებო უწყებაში მას გაუთქმელობის დოკუმენტზე მოაწერინეს ხელი, შესაბამისად გამოკითხვის დეტალებზე ვერ ისაუბრებს.
„დავინტერესდი, თუ რატომ უნდა მომეწერა ხელი და მითხრეს, რომ ყველას მოაწერინეს, ვიანიდან თავიდანვე გადაწყვეტილი იყო, რომ საქმის მასალები კონფიდენციალური დარჩენილიყო. საქმე ეხება ნიკა გვარამიას წინააღმდეგ დაწყებულ გამოძიებას და ამ გამოძიების ფარგლებში ჩემთან კითხვები ჰქონდათ. რომ გითხრათ, რომ ბევრი რამე ვუთხარი, ვერა, რადგან სულ რამდენიმე კითხვა იყო. კითხვები ეხებოდა, რა პრინციპით გასცემდა ნიკა გვარამია ადამიანებზე ბონუსებს და მარტივად ვუპასუხე: იმ პრინციპით, ვინ რამდენი რეიტინგის აკუმლირებას ახდენდა არხისთვის", - განაცხადა მელაძემ.
როგორც მელაძემ პროკურატურიდან გამოსვლის მერე განაცხადა, ძალოვანი უწყების მიზანი ნიკა გვარამიას დაკავება და "მთავარი არხის" გაჩუმებაა, თუმცა ეს არ მოხდება,"- ამბობს ნოდარ მელაძე.