დღეიდან პარლამენტში 2020 წლის ბიუჯეტის განხილვა იწყება. ბიუჯეტის პროექტზე დიასპორისა და კავკასიის საკითხთა კომიტეტის სხდომაზე იმსჯელებენ.
უმრავლესობის წევრის, რომან კაკულიას თქმით, შიდა ვალის აღება საუკეთესო ნაბიჯი არაა, თუმცა საჭიროა იმისთვის, რომ ცუდი შედეგები იქნას თავიდან აცილებული. უმრავლესობის დეპუტატის თქმით, გასაკვირი არ უნდა იყოს, რომ ხელისუფლება ზრუნავს იმ ადამიანებზე, რომლებიც საზოგადოების წინა ხაზზე არიან.
ოპოზიცია ბიუჯეტის პროექტს აკრიტიკებს. "ევროპული საქართველოს" წევრის ზურაბ ჭიაბერაშვილის თქმით, ასეთი ბიუჯეტი ხალხის გაღარიბებას შეუწყობს ხელს, რადგან დაგეგმილია ვალების უყაირათო აღება, ბიუროკრატიის ზრდა, ამიტომ მისი განცხადებით, ევროპული საქართველო ბიუჯეტს მხარს არ დაუჭერს.
"ნაციონალური მოძრაობის" წევრის რომან გოცირიძის თქმით, ხელისუფლების საუბარი იმაზე რომ ამ ბიუჯეტით ადამიანებს შემოსავალი ეზრდებათ სიცრუეა, რადგან ინფლაციის გამო მათი შემოსავლის მსყიდველობითი უნარი მნიშვნელოვნად მცირდება.
პარლამენტში პროექტზე მსჯელობა 18 ოქტომბრამდე გაგრძელდება.