ინდოელი ხალხის ეროვნული წინამძღოლის მაჰთმა განდის მემორიალი შეურაცხყვეს და მისი ფერფლი მოიპარეს. შემთხვევა , განდის დაბადებიდან 150-ე წლის იუბილესთან დაკავშირებულ ღონისძიების დროს მოხდა. იტყობინება BBC-ი.
განდის მემორიალი ცენტრალურ ინდოეთში მდებარეობს. მისი ფერფლი 1948 წლიდან არის განთავსებული მემორიალში.
მძარცველებმა მემორიალთან საღებავით წარწერები დატოვეს - "ერის გამყიდველო".
მაჰათმა განდი მრავალი წლის განმავლობაში ხელმძღვანელობდა არაძალადობრივ წინააღმდეგობრივ მოძრაობას ბრიტანული კოლონიური მმართველობის წინააღმდეგ ინდოეთში, რაც შთამაგონებლად იქცა მსოფლიოს სხვა ერებისთვისაც.
ინდოელთა აბსოლუტური უმრავლესობა მას როგორც "ერის მამას" მოიხსენიებს.
განდი ინდუისტმა ექსტრემისტმა 1948 წელს გამოასალმა სიცოცხლეს. მის ცხედარს კრემაცია ჩაუტარდა, ფერფლი კი ინდური ტრადიციის საწინააღმდეგოდ, რამდენიმე ნაწილად დაიყო და სხვადასხვა ადგილას განთავსდა. ინდური ტრადიციისამებრს ფერფლს მდინარეში ფანტავენ.