საქართველოში საბალანსო ელექტროენერგიის ფასი საშუალოდ კვტ.სთ-ზე 4.6 აშშ ცენტს გაუტოლდა 2019 წლის 8 თვეში, რაც წლიური 8.9%-იანი კლებაა.
გალტ&თაგარტის ინფორმაციით, საბალანსო ელექტროენერგიის ღირებულება (რა ფასადაც ყიდის ესკო) ხშირად საბითუმო ელექტროენერგიის (რა ფასადაც ყიდიან ჰესები და/ან იმპორტიორები) ღირებულებადაც არის აღქმული საქართველოში, თუმცა ეს უკანასკნელი უცნობია კონტრაქტების კონფიდენციალურობიდან გამომდინარე. აღსანიშნავია, რომ წინა წლებისგან განსხვავებით საბალანსო ელექტროენერგიის ფასის განზოგადება ელექტროენერგიის მთელ გარიგებებზე ნაკლებად მართებულია, საბითუმო ბაზარზე მოთამაშეების ზრდის პარალელურად.
საბალანსო ელექტროენერგიის საშუალო ფასის კლება 2019 წლის 8 თვეში ესკოს მიერ ენგურის შედარებით იაფიანი ენერგიის შესყიდვით და შედეგად შემცირებული გასაყიდი ფასით აიხსნება. საბალანსო ელექტროენერგიის წილმა ჯამურ მიწოდებაში 18.6% შეადგინა, ხოლო დანარჩენი მოცულობის ვაჭრობა ორმხრივი კონტრაქტების გზით განხორციელდა.

თურქეთში ელექტროენერგიის საშუალო საბაზრო ფასი კვტ.სთ-ზე 4.5 აშშ ცენტს შედგენდა (-2% წ/წ), 2019 წლის 8 თვეში. აპრილისა და მაისის ფასი შედარებით დაბალი იყო და კვტ.სთ-ზე 3.4 აშშ ცენტს შეადგენს.