ელექტორენერგიის სავაჭრო დეფიციტი 2019 წელს სავარაუდოდ ისტორიულ მაქსიმუმს მიაღწევს. გალტ&თაგარტის ინფორმაციით, 2019 წლის 8 თვის მონაცემებით, ელექტროენერგიის ექსპორტი მხოლოდ 0.2 ტვტ.სთ იყო (-59.1% წ/წ), იმპორტმა 0.8 ტვტ.სთ (+20.5%) შეადგინა, რამაც დეფიციტი 0.6 ტვტ.სთ-მდე გაზარდა (+468.3% წ/წ).
აღსანიშნავია, რომ 2019 წლის ივლისში პირველად განხორციელდა ელექტროენერგიის იმპორტი, მაშინ როცა ივლისი წლების განმავლობაში საექსპორტო თვე იყო. 2019 წლის საპროგნოზო ბალანსის მიხედვით, მიმდინარე წლის ბოლომდე ექსპორტი აღარ განხორციელდება, ხოლო იმპორტი 1.6 ტვტ.სთ-ს მიაღწევს, რის შედეგადაც სავაჭრო დეფიციტი ისტორიულ მაქსიმუმს - 1.4 ტვტ.სთ-ს გაუტოლდება. ამასთან, თანხობრივად ელექტორენერგიის სავაჭრო დეფიციტმა 29.6 მლნ აშშ დოლარი (+80.5% წ/წ) შეადგინა 2019 წლის 8 თვეში, რაც 2019 წლის ბოლომდე სავარაუდოდ გაორმაგდება