2019 წელს ელექტროენერგიის იმპორტი წლიურად 20.5%-ით გაიზარდა. აღსანიშნავია, რომ წელს პირველად იმპორტი ივლისშიც განხორციელდა, აგვისტოსთან ერთად. იმპორტის 91.1% განხორციელდა აზერბაიჯანიდან, ხოლო დანარჩენი რუსეთიდან. რუსეთიდან იმპორტირებული ენერგია
სრულად მოიხმარა აფხაზეთის რეგიონმა. იმპორტის ჯამურმა ღირებულებამ 2019 წლის 8 თვის განმავლობაში 38.6 მლნ აშშ დოლარი შეადგინა, რაც წინა წლის ანალოგიურ პერიოდს 9.1%-ით აღემატება.
საშუალო ფასი საქართველოში იმპორტირებულ ელექტროენერგიაზე, 2019 წლის 8 თვის მონაცემებით, კვტ.სთ-ზე 4.6 აშშ ცენტს შეადგენდა. საშუალო ფასის მცირედი კლების მიზეზი (-9.5% წ/წ) თებერვალსა და მარტში რუსეთიდან აფხაზეთის რეგიონისთვის მოწოდებული შედარებით იაფიანი ელექტროენერგიის იმპორტია.
ესკო იყო უმსხვილესი იმპორტიორი, ხოლო ელექტროენერგიის იმპორტის 3.8% განახორციელა პირდაპირმა მომხმარებელმა - კომპანია „ბი ეფ დი სი ჯორჯია“-მ, საკუთარი მოხმარების დასაკმაყოფილებლად.
ეკონომიკის სამინისტროს განახლებული საპროგნოზო ბალანსის მიხედვით, ელექტროენერგიის იმპორტი 2019 წლის ბოლომდე 1.6ტვტ.სთ-ს მიაღწევს, რაც წლიური 9.0%-იანი ზრდა იქნება. ამასთან, თუ 2017 წელს იმპორტის რადიკალური ზრდა (+212.8% წ/წ) უკავშირდებოდა ენგურის 2-კვირიან გაჩერებას, 2018 წელს იმპორტის ზრდა გამოწვეული იყო გაზრდილი მოხმარებით, ხოლო 2019 წელს ჰიდრო გენერაციისთვის ცუდი კლიმატური პირობებით.