აშშ-ის პრეზიდენტმა დონალდ ტრამპმა კონგრესში დემოკრატების მიერ ინიცირებულ იმპიჩმენტის პროცედურას სახელმწიფო გადატრიალება უწოდა. მან ამის შესახებ მიკრობლოგ Twitter-ში დაწერა.
"ყოველდღე უფრო და უფრო ვრწმუნდები იმაში, რომ რაც ხდება, ეს არა იმპიჩმენტი, არამედ სახელმწიფო გადატრიალებაა“, - წერს ტრამპი. ის აღნიშნავს, რომ გადატრიალების მიზანს წარმოადგენს ამერიკელებისთვის ხელისუფლების, მათი ხმების, თავისუფლების, იარაღის ტარების უფლების, რელიგიის, ჯარის, საზღვარზე კედლისა და "ღმერთისგან ბოძებული აშშ-ის მოქალაქის უფლებების" წართმევა.
25 სექტემბერს წარმომადგენელთა პალატამ დაიწყო ტრამპის იმპიჩმენტის პროცედურა. ამის მიზეზი გახდა ტრამპის სატელეფონო საუბარი უკრაინის პრეზიდენტთან ვოლოდიმირ ზელენსკისთან. დემოკრატების განცხადებით, ტრამპი უკრაინის ლიდერზე ახდენდა ზეწოლას, რათა ჯო ბაიდენის ვაჟის წინააღმდეგ გამოძიება დაწყებულიყო. ჯო ბაიდენი 2020 წლის საპრეზიდენტო არჩევნებში ტრამპის ერთ-ერთი მთავარი კონკურენტია.