შეერთებულ შტატებში, ნიუ იორკის ხელისუფლებამ აკრძალა ტერმინი "არალეგალური უცხო" (Illegal Alien), როდესაც ის გამოიყენება "ადამიანის განაწყენების, დამცირების ან შევიწროების მიზნით". ნათქვამია ქალაქის მიერ გავრცელებულ ახალ მითითებებში. იტყობინება CNN-ი.
გასულ კვირაში გამოცხადებულმა ქალაქის ახალმა მითითებებმა ასევე აკრძალა ემიგრანტის მიმართ დისკრიმინაცია ინგლისური ენის ცოდნის საფუძველზე.
ასევე იკრძალება მუქარა, რომ "დისკრიმინაციული მოტივიდან გამომდინარე" საიმიგრაციო ხელისუფლებას დაურეკავენ.
დამრღვევს შეიძლება დაეკისროს 250,000 აშშ დოლარამდე ჯარიმა.
"ჩვენ ვებრძვით ფედერალური მთავრობის უსაფუძვლო შიშებსა და ქსენოფობიურ რიტორიკას, რომელიც საფრთხეს უქმნის ემიგრანტთა ჯანმრთელობასა და უსაფრთხოებას", - განაცხადა ნიუ იორკის მერიის მიგრანტთა საკითხების კომისარმა.