დიდ ბრიტანეთში ქვანახშირის ერთ-ერთი ბოლო ელექტროსადგური გათიშეს.
„კოტამი“ 1968 წლიდან ფუნქციონირებს და ამ დროის განმავლობაში, 2000 მეგავატი ენერგია გამოიმუშავა. 50 წლის მუშაობის შედეგად, სადგურზე გამომუშავებულმა ელექტროენერგიამ 3,5 მილიონი სახლის ელექტროენერგიით უზრუნველყოფა შეძლო.
„კოტამის“ დახურვით, დიდ ბრიტანეთში ქვანახშირის 6 ელექტრო სადგური დარჩა, რომლებიც მთავრობის უახლესი დადგენილებით 2025 წლამდე ეტაპობრივად გაითიშება.
2015 წელს დიდი ბრიტანეთის ხელისუფლებამ მომდევნო 10 წელში ქვანახშირზე მომუშავე ელექტროსადგურის დახურვის გადაწყვეტილება მიიღო. გლობალურ დათბობასთან ბრძოლის ერთ-ერთ წინაპირობად დიდმა ბრიტანეთმა CO2-ის ემისიის შემცირების პასუხისმგებლობა აიღო. 2025 წელს ქვანახშირის ელექტროსადგურების შედარებით სუფთა, გაზზე მომუშავე სადგურებით ჩაანაცვლებენ.
„კოტამის“ მმართველი მენეჯერის განცხადებით, ის „წუხს, მაგრამ ამაყია“.