წყალტუბოში 18 წლის მოსწავლე მე-9 სართულიდან გადმოვარდა და გარდაიცვალა. ინფორმაციას საზოგადოებრივი მაუწყებლის "პირველი არხი" ავრცელებს.
"კარგი მოსწავლე იყო. ბოლო წელს გულჩათხრობილი გახდა და სკოლაში იშვიათად დადიოდა. დედა ხშირად საზღვარგარეთ იყო, მამა რუსეთში ცხოვრობდა. ოჯახმა სახლში იპოვა ფურცელი, სადაც საეჭვო ჩანაწერები იყო. მას დაწერილი ჰქონდა გარდაცვალების რიცხვი. 13 ნოემბერს აღარ უნდა ყოფილიყო ცოცხალი",- აცხადებს სკოლის დირექტორი ფაქიზო ფანჩულიძე "პირველ არხთან" საუბრისას.
მომხდარზე გამოძიება საქართველოს სისხლის სამართლის კოდექსის 115-ე მუხლით მიმდინარეობს, რაც თვითმკვლელობამდე მიყვანას გულისხმობს.