1 ოქტომბერს ევროპის საბჭო და ევროკავშირის დელეგაცია მედიას წარუდგენენ „პარტნიორობა კარგი მმართველობისთვის“ ფარგლებში 2019 - 2021 წლებში მხარდაჭერილ ახალ პროექტებს.
საქართველოში 2019-2021 წლებში ორი ადგილობრივი პროექტი, 2.2 მილიონი ევროს ბიუჯეტით განხორციელდება, 80% ევროკავშირის და 20% ევროპის საბჭოს დაფინანსებით. აღნიშნული პროექტები საქართველოს ხელისუფლებას დაეხმარება კორუფციის, ფულის გათეთრების და ტერორიზმის დაფინანსების წინააღმდეგ ბრძოლისა და პრევენციის სისტემების გაუმჯობესებაში, ასევე სასამართლო რეფორმის განხორციელებასა და მეტად ეფექტიანი და ანგარიშვალდებული სასამართლო სისტემის შექმნაში.
ადგილობრივ პროექტებთან ერთად, საქართველო ასევე ჩართულია 4 რეგიონულ პროექტში, რომელთა მიზანია ეკონომიკური დანაშაულის წინააღმდეგ ბრძოლა, იურიდიული პროფესიის გაძლიერება, დისკრიმინაციის აღმოფხვრა და ქალთა მართლმსაჯულებაზე ხელმისაწვდომობის შელშეწყობა. პროექტების მთლიანი ბიუჯეტი 2.4 მილიონი ევროა.
კრისტიან ურსე, ევროპის საბჭოს ოფისის ხელმძღვანელი საქართველოში; ვინსენტ რეი, ევროკავშრის დელეგაციის პროექტების განყოფილების უფროსი; არკადი სიტინე, პარტნიორობა კარგი მმართელობისთვის კოორდინატორი, ევროპის საბჭოს პროგრამების გენერალური დირექტორატი (სტრასბურგი) და ანა ძოწენიძე, საქართველოს საგარეო საქმეთა სამინისტროს ევროპის საბჭოს სამმართველოს მესამე მდივანი პროექტების შესახებ ინფორმაციას წარადგენენ და მედიას შეკითხვებს უპასუხებენ.
პრეზენტაცია „პარტნიორობა კარგი მმართველობისთვის“ ადგილობრივი მმართველი საბჭოს შეხვედრის ნაწილს წარმოადგენს, რომელიც გაიმართება სამშაბათს, 2019 წლის 1 ოქტომბერს, შერატონ გრანდ მეტეხი პალასში. ღონისძიება 10:00 საათიდან 10:45 საათამდე ღიაა მედია წარმომადგელებისთვის. ინგლისურ-ქართული თარგმანი უზრუნველყოფილი იქნება.