2020 წლისთვის მშპ-ის დეფლატორის პროგნოზი 3%-ია. როგორც 2020 წლის სახელმწიფო ბიუჯეტის პროექტშია განმარტებული, მშპ-ს რეალური ზრდის პროგნოზი 2020 წლისთვის 5.0%-ით არის განსაზღვრული, მომდევნო წლებში კი ეტაპობრივად იზრდება და 5,5%-ის ფარგლებშია პროგნოზორებიული.  

მშპ-ის დეფლატორის პროგნოზი 2019 წელს შეადგენს 4.5%-ს, 2020 წელსა და შემდგომ წლებში კი 3%-ს..

რაც შეეხება ინფლაციის მაჩვენებელს, აღნიშნული პროგნოზირებულია საქართველოს ეროვნული ბანკის მიზნობრივი ინფლაციის ფარგლებში და შეადგენს 3,0%-ს.  

მაკროეკონომიკური მაჩვენებლებიდან გამომდინარე, 2020 წლის ნომინალური მშპ-ს  მოცულობა 48.5 მლრდ ლარს შეადგენს, ხოლო 2023 წლისთვის პროგნოზირებულია მისი გაზრდა 62,2 მლრდ ლარამდე.

"2020 წლის სახელმწიფო ბიუჯეტის პროექტის შემუშავებისას მხედველობაში იქნა მიღებული ქვეყნის ეკონომიკის ზრდის მაჩვენებელი მიმდინარე წლის განვლილ პერიოდში და მომავალი წლისთვის სხვადასხვა საერთაშორისო საფინანსო ინსტიტუტების პროგნოზები როგორც საქართველოს, ასევე მსოფლიო ეკონომიკის და რეგიონის ქვეყნების ეკონომიკური ტენდენციების შესახებ. 

2019 წლის ბიუჯეტი დაგეგმილი იყო ეკონომიკის რეალური ზრდის 4.5%-იან მაჩვენებელზე, 7 თვის წინასწარი მაჩვენებლების მიხედვით რეალური ეკონომიკური ზრდა შეადგენს 4.7%-ს, თუმცა  ეკონომიკური ზრდის პროგნოზი კვლავაც ნარჩუნდება 4.5%-ის ფარგლებში. მშპ-ს დეფლატორის მაჩვენებელი კი განისაზღვრა 4.5%-ის ოდენობით. გასული წლის ნოემბერთან შედარებით დაზუსტდა 2018 წლის მაჩვენებლები, რისი გათვალისწინებითაც 2019 წლის ნომინალური მთლიანი შიდა პროდუქტი განახლებული პროგნოზით 44.9 მლრდ ლარს შეადგენს", აღნიშნულია ბიუჯეტის პროექტის განმარტებით ბარათში.