ეროვნული ბანკის პრეზიდენტმა, კობა გვენეტაძის თქმით, წლის დასაწყისში ამოქმედებული ახალი რეგულაციების, ძირითადი მიზნები მიღწეულია.
„დაახლოებით 9 თვეა გასული და თუ კი შევხედავთ ის ძირითადი მიზნები რის მიღწევასაც ვფიქრობდით მიღწეულია. ჩვენ ვხედავთ, ამ სფეროში პორტფელის გაჯანსაღებას, ანუ, სესხები გაიცემა უფრო კარგი მაჩვენებლებით და უფრო კარგი სტანდარტებით",- განაცხადა გვენეტაძემ და აღნიშნა, რომ ეროვნული ბანკი უშვებს შესაძლებლობას, რომ მოხდეს რეგულაციების წესები გადახედვა და გამარტივება.
„ჩვენ ყოველთვის ვუშვებთ შესაძლებლობას, რომ მოხდეს გადახედვა და თავიდანვე განვაცხადეთ, რომ ეს პროცესი წარიმართებოდა. ვმუშაობთ იმაზე, რომ უფრო გამარტივებული იყოს რეგულაცია, მეტად გასაგები იყოს და თუ რამე ბიუროკრატიული ტვირთია, ეს ტვირთი გაქრეს. ამისთვის გვაქვს ყოველდღიური კონტაქტი, სექტორის წარმომადგენლებთან. პასუხისმგებლიანი დაკრედიტების პრინციპები ყოველთვის იქნება, მაგრამ ვმუშაობთ იმაზე, რომ უფრო გამარტივებული იყოს და თუ რამე ბიუროკრატიული ტვირთია, რომლის მოშორებაც შეიძლება, მოვაშოროთ“, – განაცხადა კობა გვენეტაძემ. შეგახსენებთ, რომ ახალი საბანკო რეგულაციებით ძალაში 2019 წლის პირველი იანვრიდან შევიდა.
