სულ მცირე 11 ადამიანი ემსხვერპლა რიო დე ჟანეიროში, საავადმყოფოში გაჩენილ ხანძარს. იუწყება ბრაზილიური გაზეთი Globo.
ხანძარი საავადმყოფოში - Hospital Badim, რომელიც ქალაქის ჩრდილოეთით მდებარეობს, ხუთშაბათს, გვიან ღამით გაჩნდა.
ადგილობრივი მედიის ცნობით, ხანძრის მიზეზი შესაძლოა ერთ-ერთს სართულზე გაჩენილი მოკლე ჩართვა ყოფილიყო.
როგორც იუწყებიან კვამლი სწრაფად გავრცელდა მთელს შენობაში და პაციენტების დაუყოვნებვლივი ევაკუაცია გახდა საჭირო.
დაღუპულთა ცხედრები შენობის შიგნით დღეს, პარასკევს დილით აღმოაჩინეს. ხანძრის ადგილზე მეხანძრე-მაშველების მუშაობა გრძელდება.