22 წლის წინ გაუჩინარებული უილიამ მოლდტის გვამი და წყალში ჩაძირული მანქანა "გუგლის" რუკის დახმარებით აღმოაჩინეს.
ფლორიდის შტატის მოქალაქე უილიამ მოლდტი, ქალაქ ლანტანაში 1997 წლის 7 ნოემბერს გაუჩინარდა. წლების განმავლობაში მოლდტს შტატის პოლიცია ეძებდა, თუმცა მოგვიანებით საქმე გაიყინა.
22 წლის შემდეგ, პოლიციამ 28 აგვისტოს აღმოჩენილი სატელიტური მონაცემები გამოაქვეყნა, სადაც მოლდტის მანქანა ველიგტონში წყალში ჩაძირული იპოვნეს. მოლდტის ჩაძირული მანქანა ერთ-ერთმა მოქალაქემ, "გუგლის" რუკაში საძიებო ოპერაციის დროს შემთხვევით აღმოაჩინა.
როდესაც მანქანა წყლიდან ამოიტანეს, მიწაზე ძვლები გადმოიყარა. ერთი კვირის შემდეგ, ექსპერტიზის დასკვნამ ექსპერტიზის შედეგები გაასაჯაროვა. აღმოჩნდა, რომ ძვლები 22 წლის წინ გაუჩინარებული უილიამ მოლდტის DNM-ს შეესაბამებოდა.
პოლიციამ მოლდტის ოჯახს აღმოჩენის შესახებ უკვე შეატყობინა.
22 წლის წინ გაუჩინარებული მამაკაცის ისტორია ასეთია:
უილიამ მოლდტი ჩაკეტილი, ნაკლებად კონტაქტური ადამიანი იყო, რომელიც ხშირად არ სვამდა. გაუჩინარების საღამოს ის ბარში იმყოფებოდა, სადაც ჩანაწერების მტკიცებით რამდენიმე ჭიქა ალკოჰოლი მიიღო.
გაუჩინარებულმა მამაკაცმა 21:30-ზე შეყვარებულ გოგოს დაურეკა, რომელსაც უთხრა, რომ სახლში მალე დაბრუნდებოდა.
ბარიდან 23:00 საათზე გასული მამაკაცი მას შემდეგ აღარავის უნახავს.