ეკონომიკისა და მდგრადი განვითარების სამინისტროს ტურიზმი ეროვნული ადმინისტრაციის ორგანიზებით სამეგრელოში პრეს-ტური გაიმართა. სხვადასხვა მედიასაშუალებების 30-მდე წარმომადგენელმა
ანაკლიაში Anaklia EchoWaves- ფესტივალის მოსამზადებელი სამუშაოები დაათვალიერეს. ჟურნალისტებმა, ფოტოგრაფებმა და ოპერატორებმა ეთნო სოფელი „სისა ტურა“- დაათვალიერეს, ზუგდიდში მედიის წარმომადგენლები კერამიკის სახელოსნოს ეწვივნენ.
პრეს-ტურის მიზანი სამეგრელოს ტურისტული პოტენციალის გაცნობა და შიდა ტურიზმის ხელშეწყობაა.
„სამეგრელოს განსაკუთრებული ტურისტული პოტენციალი აქვს, ჩვენ პრეს-ტურის ფარგლებში გვსურს პოპულარიზაცია გავუწიოთ ისეთ ტურისტულ პროდუქტებს, რაც დაეხმარება ადგილობრივებს, რომ მეტი ვიზიტორი მიიღონ და ჰქონდეთ მეტი შემოსავალი.
ჩვენ ვეწვიეთ სხვადასხვა ოჯახებს, რომლებიც ჩართულები არიან ტურისტულ ბიზნესში, ანაკლიაში დავათვალიერეთ ფესტივალის მოსამზადებელი სამუშაოები. ჩვენი მიზანია სამეგრელოს მეტი შიდა და საერთაშორისო მოგზაური ეწვიოს.“-განაცხადა ტურიზმის ეროვნული ადმინისტრაციის ხელმძღვანელმა მარიამ ქვრივიშვილმა.