აჭარაში სპორტული ტურიზმის განვითარების კვლევაზე მსოფლიოს წამყვანი საკონსულტაციო კომპანია „პროპროჯექტი“ (PROPROJEKT) მუშაობს. პროექტის შუალედური დასკვნა უკვე მომზადებულია.
►აჭარის ფინანსთა და ეკონომიკის მინისტრის პირველი მოადგილე თორნიკე კუჭავა ფრანკფურტში იმყოფება და სპორტული ტურიზმის ექსპერტებთან და სპეციალისტებთან ოფიციალურ შეხვედრებს მართავს.
►თორნიკე კუჭავა შპს „სტადიონის“ ხელმძღვანელ ჯაბა სურმანიძესთან ერთად ფრანკფურტის 50 000 მაყურებელზე გათვლილი სტადიონის „კომერცბანკ არენას“, ასევე 20 000 მაყურებელზე გათვლილი ოფენბახის სტადიონის მენეჯერებს შეხვდა. შეხვედრაზე მხარეებს შორის საუბარი სტადიონის მართვის თანამედროვე, ეფექტურ მოდელს შეეხო.
►თორნიკე კუჭავა ვიზიტის ფარგლებში ჰაიდელბერგის ოლიმპიური სახეობებისა და ლაიმენის მძლეოსანთა სპორტულ კომპლექსებს ეწვია და მათ ინფრასტრუქტურას და მართვის მოდელს გაეცნო.
►ფრანკფურტის სტადიონის მმართველმა კომპანიამ ბათუმის საფეხბურთო სტადიონის ეფექტური ფუნქციონირების კუთხით გამოცდილების გაზიარების მზაობა გამოთქვა.
