აჭარაში თანამედროვე სტანდარტების ნარჩენების მართვის პირველი ობიექტის მშენებლობა ხორციელდება. პროექტი ითვალისწინებს:
- ბათუმსა და ქობულეთში არსებული არასტანდარტული ნაგავსაყრელების დახურვა
- მყარი საყოფაცხოვრებო ნარჩენების მართვის თანამედროვე სისტემის დანერგვა აჭარაში
- ეკოლოგიური, სოციალური, ტურისტული გარემოს გაუმჯობესება
აჭარის ფინანსთა და ეკონომიკის მინისტრი ჯაბა ფუტკარაძე აჭარაში მყარი ნარჩენების მართვის საკითხთან დაკავშირებით კერძო სექტორის წარმომადგენლებს შეხვდა. შეხვედრაზე საუბარი სეპარირებული ნარჩენების გადამუშავების მიმართულებით ახალი პროექტების განხორციელებას შეეხო. მხარეებმა ამ კუთხით სამომავლოდ თანამშრომლობის პერსპექტივებზე იმსჯელეს. მყარი ნარჩენების მართვის მიმართულებით, სამინისტრომ შესაძლოა საგრანტო კომპონენტი შეიმუშავოს, რომლითაც აჭარაში მეორადი ნარჩენების გადამუშავებით დაინტერესბული სუბიექტების ნაწილობრივ დაფინანსება განხორციელდება. შეხვედრას აჭარის ფინანსთა და ეკონომიკის სამინისტროსა და „ნარჩენების მართვის კომპანიის“ წარმომადგენლები ესწრებოდნენ.